يا عبد الحق
فى غيابك ضياع
الاقصي مش راجع
تفوت الدمعه والصرخة
ماليها الحزن بمواجع
يا عبد الحق
وراح الحق مش نافع
خلاص بتضّيع هنا الاوطان
واه يا سوريا يا ليبيا
يا يمن الحزن
اه يا عراق
ياغنوة دمع ع الاوتار
يا عبد الحق مكسور الامل فينا
بقينا لعبة للاندال
يبيعو ويشترو فينا
وحلمنا مات
يا عبد الحق
مش باين هنا الانوار
ده ليل الحزن بيخيّم
على الاوطان
واه يا صورة
مشطوبه على الجدران
واه يا عروبه منهوبه من الاشرار
يا عبد الحق مين حاكم على الاطفال
تموت البسمه فى عينيهم
هنا يمني
هنا سوري هنا بغداد
هنا ليبي
هنا اشلاء من الاموات
يا عبد الحق فين الحق فى غيابك
وبسأل طفل بدموعه
ومين بكّاك
ومين خانك
و مين بالجوع
هنا صابك
ومين عرّاك
بيصرخ ليا وبيبكى
ما مات الحق
كرامة وعزة كانت يوم
لكن مات الأمل و اتهد
فى غيابك يا عبد الحق
فى غيابك يا عبد الحق
ليست هناك تعليقات:
إرسال تعليق