على خدّ المهاجر ....عبد السلام رمضان

على خدّ
المهاجـر سالت
الدمـعـه
و حُـبَّــه للـوطــن من

قــوة الإيمان
ومن فارق ضنـيـنه
يـنـقـلب طبـعـه
حـياتـه تـنـتـهـي في
عـالم النســيان
تـذكرت الحـبايـب
لـيـلة الجمـعـه
وكرهت السـفر لـيـت
السـفر ماكان
و ليلي طال والدمـعـه
ورا الدمعـه
حياتـه في تـعب من
فارق الخـلان
لو خيرونا في المداين و
عطونا قصر عالي
بخــتـــار خيـمــة بالوطن
وين ما كان
تذكرت الديار أو بالوجن
دمعة
أو تذكرت الصبا أو
فرحة البستان
ديرتنة خلت لا أهل
لا أحباب
كلهَ أمسافرة عافت
للأوطان

جنت أبديرتي عايش
ومستور
يامحلة الصبح بالبيت
والجيران
تحس نفسك غريب من
تمر ديرتكم
وجوه أشلون ما بيها
شكل أنسان
ماتعرف علي سني
لو شيعي
أو لا تعرف عمر
بالظلم غركان
ليش أتبدلت أطباع
هل ....ناس
أو ليش الناس وسط
الماي عطشان
الوطن منة أو علينة
بروح نفديه
كلنة أولاد عم من نسل
عدنان .........قحطان
ماحن الأخو أو ساند
أخيةَ
أو حن الطير بحمامها
......وغربان
أشوكت تجمعنة المحبة
أو تصفة لكلوب
وشوكت بالوطن منشوف
..............خوان