سيب رساله ل حد سابك .......جابر الطاير

سيب رساله ل حد سابك 
حد مش عامل حسابك 
حد مش فارق معاه...
لو تموت يعنى ب عذابك
سيب رساله ل حد باعك 
حد استهون وداعك
حد كان قلبه أساسا ..
م البدايه مش بتاعك
سيب رساله لحد مات
حد غاب عنك ..وفات
حزن ديما مالى قلبك
وحالة صعبه م السكات
سيب رساله لحد ولى
حد قلبه غاوى يتسلى
حد كل كلامه اصلا
كدب بس ليس إلا
سيب رساله وف آخرها
كلمتين " خيرها فى غيرها"
واللى يقرأها ويزعل..
اكيد عليه راح يفتكرها