خلاص مليت وذاد المي
وبكتب ليكي اوجاعي
وامتي تحني يا بلدي
خلاص مليت دروب ونجوع
خلاص مليت وذاد الجوع
خلاص مليت
طريق واعر وانا واقف
و متقيد ومليون ديب
ومتسيب وليل بتذيد
وفيه العتمة سكناني
ومتكتف بقفل حديد
خلاص مليت
خلاص منك انا ماشي
خلاص مليت
خلاص ماشي بعيد لبعيد
عشان فيكي الألم ذايد
وانا القايد صوابعي شموع
وذاد الجوع
بقيد ليكي لكن ليكي
انا واحد و ع الهامش
انا حاسس
بشئ جوايه وبيصرخ
وانا شايف هناك مسرح
وفيه تمثيل وطبل ومغني
ناس بتغني ناس قاعدة
وبتثقف بتعلي الضحكه
فى عنيهم وناس واقفين
وسكنه الدمعه جواهم
بصرخ أنين ناس تايهين
وناس شقيانه تعبانه وناس نهبين
وناس ساكنه الدموع
ساكنه فى نن العين
ومش عارفين
وامتي الفجر يوم يرجع
ويتبدل سواد الليل
وترجع تاني احلامي وأيامي
ده انا والله خلاص مليت
انا والله خلاص مليت
*******************
*******************
ليست هناك تعليقات:
إرسال تعليق