لـــو ييجـــي ف بالــــي يشغــل بالـــــــي
افكر فيه احلم بيه يصاحبني سهر الليالي
ولو مجاش ف بالي أروح أجيبـــه
عــادي يعنــي مــا أنـــا حبيبــــه
حتى ف حلمي مش عايز اسيبه
ربنا يخليه ليا ولا يملا عنيا غير حبيبي الغالي
ييجي ف بالي أيام بالحب قضيناها
وذكريات جميلة زمان انا وهو عشناها
لحظة لقانا لأول مرة لا يمكن يوم ننساها
ذكرياتنا وحكاياتنا بترجعنا لماضينا وتملا القلب الخالي
لو ييجي ف بالي أسرح وحواليا الناس
يكلموني وانا بعيد عنهم ف الحب والإحساس
اسمعهم وعقلي مش معهم ربنا يخليه سبب انشغالي
تحـت مخدتـي مكـان إقامـة صورتــه
ما اتكلمش ف حكاية مفهاش سيرته
في بالي كلامه خصامه حنانه وغيرته
صعب يفارق فكري حبيب عمري ولا غيرك يا قمري بيحلالي
لو ييجي ف بالي بنسى الدنيا معاه
ده اغلى غالي مستحيل ف يوم انساه
ولو مجاش ف بالي أروح اجيبه عادي ما انا حبيبه وهو حبيبي الغالي
ليست هناك تعليقات:
إرسال تعليق