"يا بهيه"
خبريني يا بهيه .....قولي ليه
احنا دبنا
قولي برضه احنا تعبنا
بس وطي الصوت وحاسبي
الحيطان ليها ودان
والزمان ده في حيطان
ليها عينين
خبريني يا بهيه
ليه ولادك نسيوا كيف الضحكه
تطلع ليها رنة
نستمعها ضحكتين
ليه ولادك ف الشوارع واﻹيدين
مرفوعه دايما ف الهوا
لا تمتلك غير اﻹشاره بصباعين
افضحي المستور وقولي
الحضاره والتمدين
كيف باعوهم في حواري السقايين
خبريني يا بهيه
اتقتلنا مرة واحدة
ولا متنا مرتين.؟!
ليست هناك تعليقات:
إرسال تعليق